काभ्रे (खानीखोला) । काभ्रे जिल्लाको खानीखोला गाउँपालिका वडा नं. ०७ मा अवस्थित रक्त आधारभूत विद्यालय ३६ औँ वर्षमा प्रवेश गरेको छ । वर्षगाठको अवसरमा विद्यालयले बुधबार भव्यतापूर्वक ३५ औँ वार्षिकोत्सव मनाएको छ ।
पूर्वराज्यमन्त्री एवं संघीय सांसद सुर्यमान दोङको प्रमुख आतिथ्यतामा विद्यालयको वार्षिकोत्सव सम्पन्न भएको हो । कार्यक्रमको विशिष्ट अतिथि गाउँपालिकाका अध्यक्ष इन्द्रबहादुर थिङ थिए । वार्षिकोत्सवको अवसरमा विद्यालयले विद्यालयका पूर्व शिक्षकहरुलाई सम्मान गरेको थियो ।
वार्षिकोत्सवलाई सम्बोधन गर्दै पूर्वमन्त्री दोङले विद्यालयको समुन्नतीका लागि आफूले गर्नुपर्ने सम्पूर्ण सहयोग गर्ने वचनबद्धता व्यक्त गरे । त्यसैगरी गाउँपालिकाका अध्यक्ष थिङले विद्यालयको शैक्षिक तथा गुणस्तरीय सुधारका लािग पालिकाले गर्नुपर्ने सहयोगमा कुनै कमी नहुने बताए ।
कार्यक्रममा स्वागत मन्तव्य राख्दै विद्यालयका प्रधानाध्यापक रत्न बहादुर घिसिङले विद्यालयको भौतिक तथा गुणस्तरीय सुधारका लागि स्थानीय, प्रादेशिक र संघीय सरकारको साथ र सहयोग आवश्यक रहेको बताएका थिए । कार्यक्रममा गाउँपालिकाका शिक्षा शाखा प्रमुख चक्र थापा, वडा नं. ०३ का अध्यक्ष सागर जिम्बा, ०५ का अध्यक्ष बाबु स्याङतान, ०७ का अध्यक्ष राम मोक्तान, नेतृहरु मिना पाख्रिन, सिर्जना थिङ, नेता राजन अधिकारी लगायत उपस्थित थिए ।
कार्यक्रमको उदघाटनसँगै वडास्तरीय खुला भलिबल प्रतियोगिता शुरु भएको छ । प्रतियोगिताको आयोजना स्थानीय बुद्ध शान्ति युवा क्लबले गरेको हो । प्रतियोगिता १७ गतेसम्म चल्ने क्लबका अध्यक्ष सन्चलाल घलानले जानकारी दिए ।
डाँडापारि सन्देशका लागि
पनौती–०४, काभ्रे, बागमती प्रदेश
सम्पर्क कार्यालय बनेपा, काभ्रे
9843429869
जिल्ला प्रशासन का. दर्ता नं. : ९० (०७३/०७४)
प्रेस काउन्सिल सुचीकरण नं.: ......
सूचना विभाग दर्ता नं.: .....
प्रकाशक : | बुद्ध लोप्चन |
प्रबन्धक : | डिबि लामा | सम्पादक : | लक्ष्मण तामाङ |
कार्यकारी सम्पादक : | इकमान लामा |
सम्वाददाता : | बिजय जिम्बा |