शारदा माध्यमिक विद्यालयको अध्यक्षमा प्रेम थोकर सर्वसम्मत

निरोज तितुङ/खानीखोला (देउराली) ।

काभ्रेको डाँडापारि क्षेत्रमा अवस्थित खानीखोला गाउँपालिका वडा नं. ६ मा अवस्थित शारदा माध्यमिक विद्यालयको व्यवस्थापन समितिको अध्यक्षमा प्रेम बहादुर थोकर सर्वसम्मत चयन भएका छ्न ।

बुधबार बसेको विद्यालय अभिभावकको भेलाले  उनलाई विव्यस अध्यक्षमा चयन गरेको हो ।

उनी सामाजिक तथा राजनीतिक क्षेत्रमा क्रियाशील छन् । व्यवस्थापन समिति गठन भेलामा वडाध्यक्ष वृहपति घिसिङ, प्रधानाध्यापक ढक बहादुर खुलाल लगायत सहभागी थिए ।

अध्यक्षमा निर्वाचित भएसँगै थोकरले शारदा माविलाई गाउँपालिकाकै उत्कृष्ट विद्यालय बनाउन आफ्नो प्रयत्न रहने बताए ।